Ostiraleko eta larunbateko jaiak Occidental hotelean egingo ditugu, egurrezko zorua, aire girotua eta taberna-zerbitzua dituen 600 m²ko areto batean.

Musika-taldeak

Penintsulako Swing bandarik onenetako bat izango dugu ostiraleko eta larunbateko jaietan: Enric Peidro Swingtet!.

Hori gutxi balitz, larunbateko jaiari hasiera emateko, etxean jokatuko duten Bilbao Lindy Band bilbotarrak izango ditugu.

DJak

Lehenengo edizio honetan konfiantza osoko bi DJ nahi genituen: Erresuma Batutik zuzenean etorriko zaigu Kibble White, gelditu ere egin gabe dantzaraziko gaituen musika-sorta hartuta, eta Jud Magod handiak zapaten zolak erre arte dantzatzeko musika-eskaintza ekarriko digu Bartzelonatik.

Emanaldiak

Gure nazioarteko irakasleak Enric Peidro Swingteten musikaz lagunduta dantzatzen ikusteko aukera paregabea izango dugu… Hau bai luxua!

Lehiaketa

Larunbat gauean Mix & Match lehiaketa izango dugu, izena eman nahi duen edonorentzat. Azken txanparako sailkatzen diren 5 bikoteek dantzaririk onena nor den erakutsi ahal izango dute, eta sari ikaragarriak irabazteko aukera izango dute, noski!

Market

Jaialdian zehar zapatak eta osagarriak erosteko postuak gozatu ahal izango dituzue.

Gehiago konfirmatzeko